HL 107

1. WORD WAKKER TOG, O VROMES,
   EN LAAT JUL LAMPE SKYN;
   REEDS DAAL DIE AAND SE SKADU,
   DIE DAG SE LIG VERDWYN: 
   DIE BRUIDEGOM BEREI HOM
   VIR BRUILOFSFEES EN PRAG -
   WAAK OP DAN UIT DIE SLUIM'RING:
   DIS NETNOU MIDDERNAG! 

2. BEREI DAN NOU JUL LAMPE
   EN VUL DIE OLIE AAN,
   OM NA JUL STRYD EN RAMPE,
   HOM TEGEMOET TE GAAN; 
   WANT SIONS WAGTERS JUIG AL:
   "DIE BRUIDEGOM KOM AAN!"
   WIE VIR SY KOMS GEREED IS,
   SAL MET HOM BINNEGAAN! 

3. SY UUR KOM SPOEDIG NADER,
   DIE TEKENS WORD AL MEER -
   DIE SAGTE VYEBOTSELS
   GETUIG VAN LENTEWEER. 
   DIE GURE DUIST'RE DAE
   IS GOU VIR GOED VERBY,
   EN LIG EN LEWENSLUISTER
   KOM DAN ONS HART VERBLY! 

4. O JESUS, BRON VAN VREUGDE,
   OP WIE ONS BIDDEND WAG,
   VOOR U WYK EENS VIR EWIG
   DIE DONK'RE SONDENAG. 
   VERBREEK DAN AL ONS BANDE
   EN VOER ONS UIT DIE STRYD;
   ONS STREK NOU REEDS ONS HANDE
   NA DIE VERLOSSINGSTYD!